أنا مصري… ولو كمموا صوتي يوم واتخرست

بقلم الشاعر

جمال المناخلى

أنا مصري

ولو كمموا صوتي يوم واتخرست

أو زادوا العقارب فيكي واتقرصت

بحبك يا زينة البلاد والكون

لا عمري زعلت منك ولا حتي اتقمصت

<><><><><>

وأنا مصري
حبيت الطمي في نيلك
ومهما الغربة خادتني
حلمي إني آجيلك
ولو ف يوم ماقدرتش
قلبي وعمري أهديلك

<><><><><>

وأنا مصري
بأقولها في النهار والليل
بحبك
ولو شوفت ف هواكي الويل
وانام وأصحي علي صورتك
وشايلك جوه نن العين

<><><><><><>

وأنا مصري
مكتوب أسمك علي جبيني
ويرضيني
أكون عطشان
ونيلك بس يرويني
ولما اتعب من الترحال
بيكفيني
أبوح ليكي واتنهد … ألاقيكي
تضميني

85 عدد المشاهدات

تعليق 1 “أنا مصري… ولو كمموا صوتي يوم واتخرست

  • 27 أبريل، 2019 at 8:19 مساءً
    Permalink

    سلمت يدك ولسانك ربنا يوفقك يارب

Comments are closed.